عاوزينك صنم

بمناسبة فصلى من العمل بعد 13 يوم فقط من التعيين اكتب تلك الخاطرة :-

قالولى يا أما عاوزينك صنم
تتكدر تقول حاضر
تسمع تقول نعم
عاوزينك صنم

تمثال اصم
اللى يتقالك تصمه صم
ولسانك ماينطقش
ولا حتى تشاور زى البكم

قلت بينى وبين نفسى

متعودتش بس احاول

ماهو برضه محدش
يتعلم بالساهل
واصبر عليهم

لحسن يتقالك يا فاشل

ويوم صوتهم على

قالولى غلطت

قلت ماحصلش
جهازكم غلط

قالولى كداب
جهازنا مايغلطش

سعتها قلت

وقت الكلام لزم
اسمع اقول حاضر نعم

بس ما اتشتمش
كده يا اخوالنا غلط
عيب ماينفعش
قالولى اسكت
صوتك مايطلعش

ساعتها يا أما
وقت الكلام خلص
والنور قدامى قطع
وقلعت توب الحمل
وصوتى بينهم سطع

وقلبت تور
وكله منى اتفزع

وهجت فيهم  واحد واحد

وكله بالدور يا جدع  
ولولا ستر الله

لكان عضمهم اتمزع

قالولى اتكلم باحترام
قلت منفعش معاكم
اكون محترم

قالولى اعتذر

وقول يا ندم

قلت كفاياكم

لتكون ايدى
فى وشوشكم علم

ومكالمة منهم لمديرنا
يكون بينا حكم

اتحكى فيها انى رفضت

اقول نعم

قالهم ياجماعة نفصله
قالوا لا ده برضه زميلنا

كفاية عليه يوم يتخصم
عجبته طيبة كلامهم

قام يطيب خاطرهم  
وع الفصل مضى بالقلم

والفرحة مالية عنيهم
جايين يوقولوا

بكره تخلى العمل

اصلى المدير اتصل
وقال مايمضيش
اصله خلاص
اتفصل

محمد عبدالرحيم محمد
16/12/2012