انتهى النظري

ردا على موقف تدريب الطلاب على سحب الدم من بعض فى المستشفيات والوحدات الصحية بدل من تدرربيهم على الــ models أو نماذج بالاستيكية :

قالولي دلوقتي

انتهي النظري

وفي العملي

جه دوري

أسحب الدم

من صاحبي

وصاحبي يدرب

علي دمي

قولت

أنا ما أثقش

غير ف إيدي

ما أصدقش

غير عيني

ودمي

ما يسحبوش

غيري

قالولي

مادام إنت خايف

إيه اللي جابك

وسط الرجال

سال لعابك

خايف ...!

خايف يا طالب

من إبرة

في دراعك

قولت ... واللاه

الخوف

عمره ماكانلي رفيق

ولا الجبن

عمره عرفلي طريق

بس

خوفي ع الدم

أصل الدم عندي غالي

يا ناس يا خلق
ده الروح بسهولة تفارق
وتطلع للعلالى
هما برضه قالوا
التدريب
يكون ع الناس
ولا الناس دول خشب
شعورهم عدم
تفرى فيهم ذى الحمير
والدم انعدم 
يا بلد فيكي التراب
 أغلى من الدم  
والدم فيكي 
مالوش تمن

خلاصة الكلام

لو جه دوري

غموني زي التور

واسحبوا مني

ولو لازم أسحب

أدوني إبرة

قلبها رهيف

تعرف تغني

بقلم / محمد عبدالرحيم