سنين وايام تعدى ..
وشعبنا بطل الحكاية
خارج فى يوم ملوش نهاية
حالف مايرجع
إلا وفى ايده الف انتصار
25 يناير كانت بداية المشوار
وقفنا ونادينا بعزم واصرار
ياظالم مالك مكان بينا ..
ارحل وسيب الدار
دارنا ومالك حق فيها ..
دانت يا حيالة ريس علينا
وقال والدمع ماليه عنيه ...
آدى يا شعبى إعتذار
إعتذار على ايه ولا ايه ..
وانت ضارب فينا الف عيار
اعتذارك مرفوض ياريس ..
ومافيش عندك اختيار
ارحل وسيب الدار ..
دانت الى عملته
ما عملوش خنزر الجبار
ارحل ....
ده يوم هياخد الشعب فيه التار
من الى خان
وباع دم الشهيد بأرخص الأسعار
ليست هناك تعليقات:
إرسال تعليق